Ingilis dilinə aid maraqlı faktlar # 2

1.    İngilis dilində yeni sözlərin əksəriyyəti mövcud sözlərin hissələrini birləşdirməklə yaranır. Bu cür sözləri əsasən “blend” (qarışıq), nadir hallarda isə “portmanteau word” (birləşik kəlimə) adlandırırlar. Yəni, bu sözlər iki ayrı-ayrı kəlimənin hər birisindən bir hissənin bir-birilə birləşməsindən yaranır. Nümunələrə baxaq:

• Brunch = breakfast + lunch
• Motel = motorcar + hotel
• Guesstimate = guess + estimate

və s.

Məsələn, hamımızın eşitdiyimiz, ancaq bir çoxumuzun da mənasını bilmədiyimiz “karaoke” kəliməsi iki Yapon sözünün – “kara” (boş) və “okesutora” (orkestr) -- birləşməsindən yaranıb.
Həmçinin “alphabet” sözü qədim Yunan əlifbasının ilk iki hərfinin adlarından – alfa və beta – yaranıb.

2.    “I” və “j” hərflərindəki nöqtələr “superscript dot” adlanır.

3.    İngilis dilində # simvolunun bir neçə mənası var. Məsələn: sükut\pauza mənası, pound-un kütlə\çəki vahidi kimi təqdim edilmə mənası, nömrə mənası və s.

4.    İngilis dilində bir sıralamanın sonunda işlənən “and” kəliməsindən əvvəl qoyulan vergül “Oxford comma” və ya “serial comma” (Oksford və ya seriya  vergülü) adlanır. Məs:  "I drink coffee, tea, and wine."

5.    İngilis dilində bəzi sözlər daim cəm halda mövcud olurlar. Məsələn: glasses – (spectacles) – gözlük\eynək, binoculars - durbin, scissors - qayçı, shears - qırxılıq, tongs – maşa\kəlbətin, gallows - aşırma, trousers - şalvar, jeans – cins şalvar, pants – dizlik\qıçlı tuman, pyjamas – pajama və s. Ancaq bu sözlərdən geyim ləvazimatlarına aid olanları təyin kimi işləndikdə tək hala girə bilirlər: -- “trouser pocket” (şalvar cibi).

6.    İngilis dilində ən qısa cümlə “I am” cümləsidir.

7.    İngilis dilində “ough” kombinasiyası 9 cür tələffüz olunur. Aşağıdakı cümlə bu fərqli tələffüzlərin hamsını ehtiva edir: "A rough-coated, dough-faced, thoughtful ploughman strode through the streets of Scarborough; after falling into a slough, he coughed and hiccoughed." 

8.    İngilis dilində tərkibində bir dənə də olsun həqiqi sait olmayan ən uzun söz "rhythm" sözüdür.

9.    İngilis dilində “- dous” sonluğu ilə bitən cəmi dörd söz var: hazardous, horrendous, stupendous, və tremendous.

10.  Planetlər içində qədim Yunan əsatirinə görə allah adı ilə adlandırılmayan tək planet Yer (The Earth) planetidir.

İngilis dilinə dair daha çox maraqlı faktlar var...

Hələlik.